Veur CV de Mallebergers zit ut vastelaovend sezoen der op. Dat wèlt neet zegge tot geer us neet mie tegekomp. Zoe zien veer present op de braderie vaan Caberg en de braderie vaan Malberg.
Uzze prins Francois I maag noe un paar maond oetröstte en begint daornao aon de twiede hellef vaan zien ambstermeijn.
Veer wèlle eerderein bedaanke dee ut op welke meneer daan aoch meugelik heet gemaak tot veer un geweldig sezoen höbbe gehad.
Op 4 fibberwarie is Francois Delrock oetgeroope es Zjubileij Prins vaan CV de Mallebergers, oondaanks de kaw en de ingekorte cortege woort heer oonder groete belangstelling onthuld op ut Malbergplein. Heer geit de geschiedenisbeuk in es de Iesprins zoe wie väöl vastelaovendvereiningen al memoreerde tijdens zien drök bezochtte receptie.
Heer heet de koumende twie weeke nog un drök program en geer zalt häöm heij of daor zeker nog tegekoumme.
Miejer informatie euver uzze prins kint geer vinde oonder ut köpke Uzze Prins
Vertrek vaan de cortege is 13.45 oor
Ut oetroope zal tösse haaf dreij en kwart veur dreij plaotsvinde.
Wee weurt de nuije Hoeglöstigheid vaan CV de mallebergers
Op zaoterdag 4 februari 2012 zalle veer uzze nuije Zjubileij Prins 2012 vaan CV de Mallebergers bekind make. ’t betröf alweer de 4 x 11e heerser euver de wieke Malberg, Malpertuis, Caberg en Aaijt Caberg.
Dit geit gebäöre op de Malbergsingel beij de winkels. ‘T oetrope zal plaotsvinde um 14.33 oor. Vaan te veure zalle veer nog mèt d’n groete oonbekinde ‘nne kleine cortège make euver Malberg.
Nao ’t oetrope is aonsletend de receptie in ut Centre Magnefiek Malberg gelege aon ut Malbergplein. De receptie zal beginne roond de klok vaan 15.33 oor en doore tot 18.00 oor.
De cortège geit es volg:
Vertrek vaanaof zeijkant beij de Jumbo aon de Schepelruwe opstèlle
Busselruwe
Talienruwe
Reaalruwe
Daaldersruwe
Escalijnruwe
Carolijnruwe
Malbergsingel
Malbergplein
CV de Mallebergers lanceert nuij website
Vaanaof 16 december 2011 heet CV de Mallebergers un nuij website gelanceerd. Op dees site zalle veer uuch op de huugte hauwe vaan uzze activiteiten gecombineerd met de nuudige gezelligheid.
Mallebergers op zeuk naor nuije prins 2012-2013 in het zjubileijaor vaan CV de Mallebergers.
De Mallebergers zien weer op zeuk naor unne nuije prins. En dat in un bezunder sezoen gezeen ut feit tot de Mallebergers hun zjubilei goon viere vaan 4 x 11 jaor. Ut startsein veur
al die activiteite weurt koumende november gegeve. De fiesteleke veurbereidinge zien gestart en de planne weurde oetgewèrk.
Zoe ouch netuurlijk veur de Kanselarijraod, die eder jaor weer op zeuk geit naar de nuije prins, sterker nog de zjubilei prins. Um unne Prins te kriege hobbe de Mallebergers de kaos in veer groete woenwieke. De kandidate mage woene in Malberg, Aajd-Caberg, Caberg en Malpertuis. Zie moote voldoen aon de primair veurwaarde: Mestreechteneer zien.
Geer kint oongetwiefeld de beste kandidaot heij veur. Es geer um op ut oug höb laot us dat daan wete! Dit kin door unne mail of unne breef te sjikke, boe in geer un aontal persoensgegeves kint vermelle en un eventuele motivatie boerum juist dizze kandidaot in aonmerking keump om prins vaan de Mallebergers te weurde, naor:
Cor Moenen
Busselplein 12
6218 AT Mestreech
Leden gezoch
Vereiniginge zien altied op zeuk naor vrijwilligers. Dat geldt aog veur de Mallebergers. Daorom doen veer unne oproop aon eederein dee op vrijwillige basis us vereiniging wil oondersteunen. Liek uuch ut leuk um met us met te loape en/of get achter de sjerme te kinne beteikene? Num daan contac op met Cor Moenen via info@cvdemallebergers.nl
CV de Mallebergers
Print Version
Recommend this site!