Nuijtsberiechte

 18 Jannewarie 2025

Nao 'n week mèt snie, mist en kaw maakde veer eus op veur de cortège.

't Zunneke waor d'r neet en 't waor kaaid mèr eederein langs de kant kos de nog onbekinde hoeglöstigheid tenminste zien..

Um 15.33 oor, gèt later es de bedoeling waor woort Lars Rosier oetgeroope es hoeglöstigheid Lars I vaan 2025.

Veer goon weer 'n geweldig seizoen tegenmoot.

18 Jannewarie 2025 Oetroope Hoeglöstigheid  15.11 oor

Cortège vertrek um 14.11 oor beij Café ut Jachthoes aon de Brusselseweeg, Rotonde rechts Papyrussingel, van Akenweg, Fibrillendonk, Pergamijndonk,Velijndonk, Peerdekensruwe, Dukaatruwe, Carolijnruwe, Malbergsingel en vervolgens de ontbinding op ‘t Malbergplein. Vaan daor oet goon veer naor de groete zaol vaan ut Centrum Manjefiek Malberg boe ‘t oetroope plaots vint.

Aonsleetend aon ut oetroope is daan de receptie ouch in ut Centrum Manjefiek Malberg.

Leef vastelaovendsvrun,

Wat höbbe veer in 't sezoen 2024 weer intens genoote, wat höbbe veer ’n geweldige prinsepaar en ’nne awwerwèts vastelaovend gehad.

In Jannewarie 2024 reepe veer de Hoeglöstiheid Prins Leon de twiede oet, heer is eus geweldig veurgegaange en ouch heer heet geweldig genoote.

Ziene opvolger vaan sezoen 2025 zal ’t zwoer kriege.

’t aogeloupe sezoen verleep wie ‘nne sneltrein, met al eus bezeukskes aon zustervereinginge en eus eige activiteite.

De seniorenzitting, die mieijer op frühshoppe begint te lieke, Prinseswarree mèt ‘nne geweldige opkoms en euze kienaovend dee weer ‘nne volle zaol oplieverde.

Wie veer dit jaor eus gonge prépèrere op ’t sezoen vaan 2025 woort ’t spannend.

Door alle comotie roondum ’t Centre Manjefiek waor ’t veur eus onduudelik of en boe veer eus activiteite vaan dit sezoen kostte hawwe.

Gelukkig höbbe veer gooij contacte mèt de voetbalclub VV Mestreech Wès en zie booije eus geliek de kentine aon.

Diverse gesprekke volgde en ’t waor netuurlik ’n oplossing boe veer bleij mèt waore mèr veer wiste ouch tot dit neet veur al eus activiteite de bèste oplossing waor.

Gelökkig kostte veer veur de seniorezitting terrech beij Scharweijerveld.

Veer zien de voetbalclub zier daankbaar veur de gebooije höllep.

Beij de veurbereijing vaan de res vaan 'sezoen woort duudelik tot veer toch terrech koste in Centre Magnefiek en nao ’n feijn gesprek met VV Mestreech Wès is besloote um ’t oetroope en euze Swaree toch in ’t Centre Manjefiek te hawwe.

’t oetroope zal dit jaor daan ouch op 18 jannewarie 2025 binne in ’t Centre Manjefiek gehawwe weure.

Dit jaor bringe veer weer väöl bezeukskes en moote veer ‘nne strakke agenda aonhawwe, es geer un verzeuk höb veur un bezeuk daan kint geer unne mail sjikke naor info@cvdemallebergers.nl

Mat Roijen

Veurzitter CV de Mallebergers