Hoeglöstigheid Prins 2019

Mestreech, 19  jannewarie 2019

 

 

 

D’n Hoeglöstigheid Prins Kevin d'n Ierste "Schuffelers"  is gebore in Hier aon de Burgemeister Kessensingel op 12 December 1979.

Zien jäög heet heer doorgebrach op Malberg, boe heer gong woene in 1980, aon de Morgenruwe.

Heer heet de beginsele gelierd op de Aurelius Basissjaol te Malpertuis, daornao is heer naor de LTS gegaange in Hier um de bekkersopleiding te doen, heer heet daor noets get vaan gebakke….

 

Heer is getrouijd met Kim Loo en saame zien ze de trotse awwers vaan un zäöntje Levi dee 3 jaor is, weijer het heer nog twie keender un dochter, Senna vaan 12 jaor en unne zoon Dani vaan 11 jaor.

Binne ut gezin zien nog twie hun, Trudy en Zorro, un kat genaomp Louis en Pitie unne dwergpapegaai.

 

Zie woene aon de Grimbeertstraot in de wiek Malpertuis.

 

In ut dageliks leeve verdeent heer zien cent met zien eige bedrief “Carcleaning Kevin”, sinds 2017 gelege aon ut Rondeel

 

Heer heet inmiddels elf voetbalvereiniginge verslete dus geer zeet häöm missjien wel tege gekoumme op ein of aander veld of zaol.

Sinds kort heet met zien vruwke unne nuije hobby en wel danse beij Bernaards.

 

Heer helt vaan lekker ete en daan veural Bufstök en spareribs mèr, zoe wie heer zeet, sjokola vint heer aoch lekker…